සයිබර් මෙගා ආතල් දන්සැල 2013

21 රෑ 10ට විතර  හීනෙන් වගේ කාගේදෝ දඬුමොණරෙක බෝඩිමට ආවා මතක ය.  ඊට කලින් බස් එකක චාටර් වී ටිකක් දුරකට පයින් ගියා මතකය. ඒ කාලය අතරතුර මොනව වුණාද මොනව කලාද කියා හරියටම මීටර් නැත. බිව්වේද නැත. බෝඩිමට ආවේ හෙන ගහපු එකා සේ ය. පහුවදා උදේ නැගිටිනකොට 11ත් පසු වී ය. ලොවෙත් නැත ය. පොලු පහර කෑ මොකාදෙකා වගේ ය. කව්ද එකෙක් මොනවාදෝ බෙහෙත් පෙති 2ක් කුයි වතුර බෝතලේකුයි ද ගෙනත් දෙනවා මතක ය. පියවි සිහියට ආවේ පොඩ්ඩක් නාල කරල ආවට පසුව ය. ඇඳගෙන ආ ඇඳුම් පසුව බලන විට අර දුඹුරු පාට කූඹින්ගෙ ආක්‍රමණයට ලක් වී තිබිණි.

ඒ වෙනකොටත් බීච් පාටි මනසින්ම ය. ඒක නැති වෙන්නත් ටික දවසක් යනු ඇත. 21 සෙට් වුණ උන් එකින් එකා මතකයට නැගෙනවා ඇත.  සමහරුන්ගෙ ආතල් සීන් වලට තනියෙමත් හිනා ය. සති ගණනක් පෙරුම් පුරමින් සිටි ඒ දවස නිමව ගොස් ය. ගෙවී ගිය සොඳුරු මතකයන් යලිත් කිසිඳු දිනයක සජීවත්වයට පත් කල නොහැක. එදා හමු නොවුණු හමු වුණු සියළු සොඳුරු මිනිසුන් කවමදා හෝ මතු යම් දිනක හමු වනවා ඇත. ඒ අයුරින් වද දෙන සිත  ශේප් කර ගත්තෙමි.

බුකිය පැත්තට එන්නම බැරිය. සමහරුන්  නිව්ස් බදු අරං ය. හෙන ගහනවා වගේ ලයික් කරගෙන කරගෙන ගියෙමි. එයටද කෙලවිණි. පොටෝ කෑලි හැමතැනමය. කොයිල් වෙනවා ඇත.  විකාරයක් ය. මඩ ලොරි පිටිං ය. රජා එතනම ය. වෙනිය ශේප් ය.  එක එක වීඩියෝ කෑලි බලලම ඉවරයක් නැත. ඒ මදිවට වැඩේ පත්තරේටත් ගිහිං ය. කොහොමිං කොහොමහරි අපිත් පත්තරේට මූනත්තහඩුව දාගත්තෙමු.

මට ලියන්නට ඇත්තේ මගේ හෘද සාස්සිය විතරකි. සමහරු අතෙනුත් දාල ලියලා ය. ඔය ලියපු උන්ගෙ පෝස්ට් වල ලින්කු එකතුවක් හදල පෝස්ටුවක් දාන්න  හිතාගෙන හිටියට අර නෙරංජිය ඒකටත් කෙලලා ය. ඒකි හෙනම හෑල්ලක් ලියලා ය. අවුලක් නැත ය. අඩුවක් නෑර බඩු ටික එතන තියෙනවා ඇත. ඉතිං මං මට හිතෙන දේවල් එහෙං මෙහෙං ඇද දමමි. මේව දකිනකොට නලින් අයියට දේශමාමකත්වෙ එනවා ය. බස නසල බස නසල කියල කෑ ගහන එක ඉවරයක් නැත.

නලින් අයියත් හිත හොඳ මනුස්පයෙකි. මාව ඉසිස්සෙල්ලාම පිළිගත්තේ ඔහු ය. ඒ විතරක් නෙවෙයි, නලින් අයියා අපේ කණ්ඩායමේ නායකයා ය. ඒ කිව්වෙ මහ කපුටා ය. ඊට පස්සෙ සෙට් වුණේ රජාව ය. එළම ඩයල් එකකි.  එක පාරටම දැකල පුරුදු මූණක් සෙට් විණි. ඒ සිතුවා ය. එතන හිටපු සෙට් එකෙන් මං මුල ඉඳලම දැනගෙන හිටිය එකම එකා සිතූ ය. ඔහොම ඔහොම එතන හිටපු හුඟ දෙනෙක් එක්ක කතාබහ කලෙමි.

කිව්ව විදිහට තරඟත් නිබුණ. නයා අල්ලන එක අපි කපුටො දින්නෙමු. නයාට පෝලිම   හැදුණ විදිහත් යාන්තම් මතක ය. ඉස්සෙල්ලාම සිත්තරී අක්කා ය. ඊට පස්සෙ රණ්දුණුවා ය. ඌට පිටිපසෙන් චණුක්ස් මල්ලි අයියා ය. ඌටත් පිටිපස්සෙං මේක ලියන එකා ය. මට පිටුපසින් හිටපු එකෙක්වත් උං මට කරපු මොනම දෙයක්වත් මට මතක් නැත. අපි කෙල්ලන් හැංගුවේ නැත. ඉස්සරහටම දැම්මෙමු. ඒකි ගේම් එක දිනවලාම පස්ස බැළුවා ය. එක්තරා ආකාරයක නයි මූනක් ඒකිටත් හිමි ය. සමහර ස්තීලිංග නයි කෑලි වැල්ලෙ පෙරලී අමු අමුවෙම වැලි කාගෙන ඇතිල්ලෙනවා ද දැක්කෙමි.

ඊලඟට තිබුණේ අර පොල්ල අල්ලං වට 5 කැරකෙන එක ය. අපේ ටීම් එකට තිබුණේ හෙමන හීනි පොල්ලක් කියන්නත් බැරි එකක් ය. ඒකෙ අයිතිකාරයට හඳුනා නොගත් ලෙඩකි.  ඔය වට 5 වට 10ක් විතර කලානං  හෙනම ලොල් සීන් එකය. ඉස්සෙල්ලාම ගිය සිත්තරී අපහු ආවෙ 80ක රා ඉල්ලපු එකීට 100කම හම්බවුණු චාන්ස් එකේ ජවණිකාවට පණ පොවමින් ය. ඇවිත් දෝං ගා ධනාගේ දෙපතුල ලඟ ඇද වැටිණි. ධනා වනාහි වැටිච්ච කෙල්ලං කෙලිං කිරීමෙහි ප්‍රවීණයෙකි. තවත් කවුදෝ අක්කෙක් සමඟ සිත්තරී උත්තමිය කෙලිං කොලෙමු. තව තව කස්ටිය සරල රේඛීයව ගියාට ආවේ  වෙනම ආකාරයකට ය. ඒ තරඟෙන් කපුටන් හැලිණි.

හේ...හ්...හේ....

තරඟ වලින් දිනන උන්ට තෑගි දෙනව කිව්ව උං පෝලිමට වරෙල්ලා....

මෙච්චර කියවන්න දෙයක් නැත ය. කවුරු කවුරුත් ගැන කෙටියෙන් කියමි.

මුදියා නොහොත් සමියා -: හිතාගෙන ගියේ හයේ හතරෙ එකෙක් ලෙසය. බලාගෙන ගියාම මූ හරියන්නේ ෆේක් ලෝකෙටම ය. හිත හොඳ කොල්ලෙකි. 

රජා -: හිතුවට වැඩිය කොටෙකි. ධනාටත් වැඩිය කොට ය. එල ය. කැමරාව, ෆෝන් එක වතුරේ ගිලීම සම්බන්ධයෙන් බලවත් සෝකෙ.

බෙන් ටෙනිසමා -: පොඩි උන්ට සැබෑ වීරයෙකි. කවදහරි ඕක ගුවේන්ට මොනාහරි කරලම පස්ස බලනවා ඇත.

රෙපා -: හිතුවට වැඩිය මාමෙකි. සිනහව පෙරදැඩිව කටයුතු කරන්නෙකි.

ජනා -: මටනං මුගේ වචන ටිකම ඇතිය. පැහැදුණෙමි. පොතක් ලියන්න පුළුවන් චරිතයකි.

අයිස -: ටකරම තමයි

නෙරංජි -: බස්‍ රේඩියෝ එකේදි දෙන පොර වදන් එතන දැම්මේ නැත. සැබෑ ගුරුවරියකි. දහවල් කාලයේ හමුවීම වඩා සුදුසු ය.

රනා අයිය-: ජනා එක්ක හිටියට ලොකුකම් ඇඟේ නැති පුද්ගලයෙකි.

පවනි තරංගා -: මැජික් ශිල්පියෙකි(ජොක්කුන්ට කෙලවන) සිත් පැහැදෙන වදන් මොහු සතු ය.

බනියා -: අහිංසක මූනක් හිමි  දක්ෂ ඡායාරූප ශිල්පියෙකි.

නලීන් මාම -: මට බෑනා ලෙස අමතන ලොව සිටින එකම පුද්ගලයා ය.

ශම්මි අක්ක -: හිතුවට වැඩිය මේකිගෙ මහත ය. රුවනාට ධනාගේ බලවත් මෙව්ව එක...!

වැපා -: ලොවෙත් නැත.

සුදු මහත්තයා -: මහත්මා ගති ...... ඒ ගැන නොදනිමි.  මුහුදට පෙම් බඳින්නෙකි.

වැල කතා ලියන කෙනා -: මොනව වුණත් කොල්ලන් ගැන සිතන මාමෙකි. ත්‍රස්තවාදී පෙනුමක් ඔහු සතු ය(කුට්ටම සහිතව). ලැජ්ජ බය නැති කොල්ලෙකි.

Chanux මල්ලි -: තනිකරම Binary වලින්ම කෝඩින් කර ඇත. මුහුණ බලා චරිත හදුන්වන්නෙකි(නාඩියාටත් මටත්).

නාඩියා -: දක්ෂ නර්ථන ශිල්පියෙකි. දාර්ෂණික පෙණුමක් සතු ය. 

චන්දන ලියනාරච්චි -: සිතාගත් නොහැකි, කැපී පෙණුන හිත හොඳ අම්පාරයා.

වෙනියා -: වයසට ගියත් ජොලියට බර ය. දක්ෂ ඡාරූපශිල්පියෙකි.

අචිනි අක්ක -: බුකියෙන් දැක් තිබුණේ මුහුන පමණි. දැං හරි ය.

බට්ට බට්ට -: රිලාස්ට් කොහොමද බං? FF

මතක විදිහට මතක අයගෙ විස්තර මෙසේ ලියා ඇත. හැම කෙනාවම මතකද නැත. නම් සඳහන් කර නොමැති පුද්ගලයන්ගෙන් සමාව අයැදිමි. සියල්ලන් මාගේ මිතුරන්  ලෙස සලකමි. 

• රෙපාටත් මටත් සෙට් වුණ ජනා නමැති පුද්ගලයා අතින් කයිට් ය.

බනියගෙ වැඩ කෑල්ල෴

සුහද හමුව පිළිබඳ ඔබේ අදහස් විමසීමට කැමැත්තෙමි. ^_^