Wanted! සෝමේ | Uncle Hillarious

 

අවුරුද්දක් ගතවී තවත් අවුරුද්දක් උදා වී ඇත. ගිය අවුරුද්දෙ ආවට පස්සෙ බ්ලොග් අවකාශෙට ආවෙ අද ය. ☺ සියළු පාඨක ජනතාවගේ සිතුම් පැතු ඉටු විය යුතු ය. ඉටු නොවුනා කියා ධනාට චෝදනා නැගීම තහනම් ය. වසරේ මංගල පෝස්ටුව ය.

සීන් එක මෙසේ ය. මං ධනාලගෙ ගෙවල් පැත්තේ නානාප්‍රකාර ඩයල් වසන ඒරියා එකකි. මේ කියන්න යන එකා ධනාගේ උත්තුංග ගුණෝත්තර පාප මිත්‍ර සංසදයේ එකෙක්ගේ ලොකු තාත්තෙකි. සීන් එක වෙන වෙලාවේ ඌද එතන ය. ලොල් සීන් එකකි. සීන් එක ඓතිහාසික ය. පුරාවෘත වලද සඳහන්ව තිබිය හැකි ය. ඔය කියන ලොකු තාත්තාගේ නම නම් ධනා නොදන්නේ ය. පහසුව තකාත්,  ආත්මාරක්ෂාව උදෙසාත් අපි ඔහුට "සෝමේ"  ලෙස ඇමතීම රිසි ය. සෝමේ වනාහි කීමෙහි දිවීමෙහි කෙල පැමිණියෙක් ය. ධනා දන්නා කාලයේ පටන් ඔහුටත් වඩා උස බයිසිකලයක් පෑගීම සෝමේ ගේ සිරිත ය. තරමක් මිටි සරමටත් කමිසයටත් හුරු වූ අයෙකි. ගහේ බඩු, ගමේ බඩු, කටුකම්බි ජාතික පානය ය. කෑලි පහේ ටෝච් කෑල්ලක් ද දන්නා තරමින් නිතරම අතේ ගැවසේ. දැනටනම් ස්ථීර රැකියාවක නිරත් නොවන්නෙකි. ඉස්සර කාලෙ ඔන්න මොකක්දෝ කලාලු ය. වයස 45ක පමණ පෙණුමැති කඩවසම් තරුණයෙකි. මන්දයත් ඔහු අවිවාහක ය. ""කොච්චර වයසට ගියත් බැඳල නැත්තං ඌ කොල්ල ""  සෝමේගේ ප්‍රකාශයකි.^_^

උඩින් කිව්ව මිත්‍රයා වැඩ වසන්නේ ධනාලගෙ ගෙදරට පොඩ්ඩක් දුරින් ය. නම "සිරිමල්"  යැයි සිතමු.  ඉස්සර කාලෙ සමහර දවස වලට හවසට අපි මොකාගේ හෝ ගෙදරක  ක්‍රිකට් ගහන්න සෙට් වෙන්නෙමු. සිරිමලාගේ ගෙදරත් සෝමේගේ ගෙදරත් ආසන්නයේම පාරෙන් අනෙක් පස සිරිපාලයාගේ ගෙදර ය. චරිත වලට ගැලපෙන නම් දමා ඇත. සිරිමලුත් සිරිපාලත් ධනාත් එකම පාසලේ එකම පන්තියේ ය.ටික කලක් යනතෙක් සෝමේ අපේ නිල ආතල් සැපයුම්කරු ය. බයිට් එක ය. 

නිල ආතල් සැපයුම්කරු(සිරිමල් ගේ ලොකු පියා) - සෝමේ

1 යාළුව - සිරිමල් 

2 යාළුව - සිරිපාල

ඔය කාලෙ දවසක් කොහොම හෝ කරුමෙට වගේ සැට් එකම සිටිපාලයාගේ ගෙදර ඉස්සරහට සෙට් ය. මොකටද කියා හරියටම මතකයක් නැත ය. පොඩි කයියකට සෙට් වෙලා ඉන්න වෙලා ව ය. ප්‍රධාන පාර හෙනම පල්ලමකි. කිව්ව තරම් ලොකුමත් නැත. පුට් සයිකල් කාරයෙක්ට හුලං පාරක් වැදීගෙන හීන් සීරුවේ නිව්ටල් එකේ විනාඩි 5ක් විතර යාමට තරම් දුරකි. පල්ලම ඉවර වෙන්නේ සිරිමලාගෙ ගෙදරට පොඩ්ඩක් පහලින් ය. 

කන්ද උඩින් සෝමෙයා ඔය කිව්ව විදිහට එන්නේ ය. ඒ සිය නිල රථය බයිසිකලයෙනි. බයිසිකලයක් කිව්වාට ඒකෙත් ඇත්තේ ෆ්‍රේම් එකයි රෝද දෙකයි තව පිටිපස්සෙන් ලොකූ ලැගේජ් එකකි. ඒකේද නැති දෙයක් නැත. මන්නා පිහියේ සිට සෙරෙප්පු කුට්ටම දක්වා එහි ඇත. සෝමේගේ ඩිකිය එය ය.  මේ ඔය බයිට් එකට ගත්ත කිව්ව කාලෙ ය. දැන්නම් දැම්මකමත් කින්ඩියට රවන්නේ ය.

තාමත් එන්නේ ය. තාමත්, තාමත්, ඔන්න දැන් ටිකක් ලඟය. ඔව්... ඒ සෝමේ ය. සීන් එක දැක්කේ ලං  වෙනකොට ය. සෝමෙයා බයිසිකලේ එන්නේ අර පොඩි උන් ලොකු බයිසිකල් පදින තාලෙට ය. අර බයිසිකලේ ඇල කරගෙන පොල්ල අස්සෙන් කකුල දාගෙන ය. හෙනම ආතල් එක ය. ඌ බෘංගයා වගේ හෙනම කික් එකේ එන්නේ ය. ජාතික පානෙ ලෙසටම ගහලා ය. කන බඩ ගා ව ය. ඇස් නලලේ ය. නිකං හිංදි පිලුං වල හතුරව මරල කෙල්ල  අරං යන්න හෙන මොරාල් එකෙන් එන කොල්ලෙක් මෙන් ය. විටෙක සෝමෙ අපිව දකින්නට ඇත. දැක්කත් අවුලක් නැත. 

සැට් එකම සිටිපාලයාගේ ගෙදර ඉස්සරහ හැංගුනෙමු. වෙන දවස් වලට සෝමෙයා අපිට හූ කියන්නේ ය. අරූට වාරයක්නං මූටත් වාරයක් තියෙනවාලු ය. 

 මේපාර අපි සෝමෙට හූ කියන්න සෙට් වුණෙමු. ඔය කහ පාටට තියෙන්නේ සෝමේගේ ගමන් මාර්ගය සහ කනේ වැලි ගෑවෙන්න වංගුව කෙලින්කර ගෙදර මිදුලට දාන ආකාරය ය. ඕක හරි හැටි අඳින්න ගියොත් කොයිල් වෙනවා ඇත.  රෝස පාට බෝලෙන් පෙන්වන්නෙ අපි සෙට් එක හැංගුන තැන ය. හැංගුනා කිව්වට හූ කියනකොට කට්ටියම එළියේ ය. 

තුනට ගණන් කර හූ කිව්වෙමු. හූ කියනකොට සෝමෙයා වංගුව ගන්නවා ධනාට මතක ය. හූව ක්ෂණයෙන් නතර වුනේ එතෙක් වේලා බලා සිටි සෝමේගේ  ආදරනීය රිප්ලයි එකට ය. 



අපි,
"හූ................................................................... හු හුහ් හු හු...................................." :v :v :v

සෝමෙ, (බයිසිකලේ යන ගමන් අප දෙස හැරී)

"කවුද හු!@#$%^   හූ කියන්නේ???" :v

කිව්වා විතර ය. සෝමෙයා ඔය රතු පාට එක ඇතුලේ ය. ආ... රතු පාට එක කාණුව ය. හෙනම ලොල් සීන් එක ය. මොනව වුණත් සෝමේ පව් ය. සෝමෙගෙ ගෙදරට යන තැනට විතරක් අර කොන්ක්‍රීට් කෑලි දමා  සකස් කර තිබීම ඇත්ත ය. සෝකෙ කියන්නේ සෝමෙට එතන මිස් වෙලා ය. කෙලින්ම ඉස්සරහ රෝදෙ බැස්සිලා තියෙන්නේ කණුවට ය. ආදරණී‍ය රිප්ලයි එක දෙන්න කිහිං මෑන් එතනම දොං ය. නැගිටින ගමං සෝමෙ නෑන පොඩ්ඩව හෙමත් මතක් කරාලූ ය. ඒ කිව්වේ සිරිමලාගේ මව්තුමිය ය.

සෝමේ ලාවට නැගිට කොන්ද නමාගෙන නිල රතේ තල්ලුකරගෙන ගෙදරට ගියා ගියාම ය. එදායින් මත්තට සෝමේ අපිත් එක්ක වැඩි ඇයි හොඳැයියක් නැත්තේ ය.  සෝමෙගේ ආතල් අවසාන ජවනිකාව ය. 

මොනව වුණත් ඒ සිද්දිය අපේ උං අතරෙ තාමත් තියෙනවා ය.

 
"කව්ද හු!@#%^& හූ කියන්නෙ??"
 

_____________________________________________________

තවත් සෝමේගේ මතක හිතේ නැතුවාම නොවේ. තවත් දවසක් කාණුවෙ වැටෙන්න කලින් සිද්දියකි.  එදාත් කොල්ලො සැට් එක පාර අයිනේ ය. ඔය සිරිපාලයගෙ ගෙදරට පොඩ්ඩක් උඩින් ය. සෝමේ පුරුදු පරිදි පල්ලමේ ආවේ ය. අපි දිහා කින්ඩියට බැළුවේ ය. බලා මෙසේ පවසා යන්න ගියේ ය.

"බැල්ලි මොකද හෙළුවෙං ඈ...??? " :3

කස්ටියම ෆුල් හොල්මං ය. වටපිට බැළුවෙමු. සිරාවටම එතන බැල්ලියෙකි.

_________________________________________________________________________________